Kerala Express

തിരുവനന്തപുരം: മലയാള സിനിമാ രംഗത്തെ സമഗ്ര സംഭാവനയ്ക്കുള്ള 2016ലെ ജെ.സി. ഡാനിയല്‍ പുരസ്കാരത്തിനു പ്രശസ്ത ചലച്ചിത്ര സംവിധായകന്‍ അടൂര്‍ ഗോപാലകൃഷ്ണനെ തെരഞ്ഞെടുത്തു. ഒരുലക്ഷം രൂപയും പ്രശസ്തി പത്രവും ഫലകവുമാണ് അവാര്‍‍ഡ്.

തിരുവനന്തപുരം: ഹൈടെക് മോഷ്ടാവ് ദേവിന്ദര്‍ സിംഗ് എന്ന ബണ്ടി ചോറിന് പത്തുവര്‍ഷം കഠിനതടവും 20,000 രൂപ പിഴയും. വിദേശ മലയാളി വേണുഗോപാല്‍ നായരുടെ മുട്ടട മരപ്പാലത്തെ അതീവ സുരക്ഷയുള്ള വീട്ടില്‍ മോഷണം നടത്തിയ കേസിലാണ് തിരുവന്തപുരം രണ്ടാം അഡീഷണല്‍ സെഷന്‍സ് ജഡ്ജി പി. കൃഷ്ണകുമാര്‍ ശിക്ഷ വിധിച്ചത്. മോഷണം, മോഷണമുതല്‍ കൈവശം സൂക്ഷിക്കല്‍, ഭവനഭേദനം എന്നീ വകുപ്പുകളിലാണ് ശിക്ഷ. 2013 ജനുവരി 21ന് വീട്ടില്‍ മോഷണം നടത്തി കാറുമായി മുങ്ങിയ ബണ്ടി ചോറിനെ അതിസാഹസികമായി പിന്തുടര്‍ന്ന് പിടികൂടുകയായിരുന്നു.

തിരുവനന്തപുരം: ചലച്ചിത്രമേഖലയില്‍ ജോലി ചെയ്യുന്ന സ്ത്രീകളുടെ പ്രശ്നങ്ങള്‍ പഠിക്കാന്‍ കമ്മിറ്റിയെ നിയോഗിക്കുമെന്ന് മുഖ്യമന്ത്രി പ‌ിണറായി വിജയന്‍ സിനിമയിലെ വനിതാ കൂട്ടായ്മയായ വിമന്‍ കളക്ടീവ് ഇന്‍ സിനിമയ്ക്ക് ഉറപ്പു നല്‍കി. കമ്മിറ്റിയുടെ ശുപാര്‍ശയുടെ അടിസ്ഥാനത്തില്‍ സിനിമാ മേഖലയിലെ ലൈംഗികാതിക്രമവും ലൈംഗിക ചൂഷണവും തടയാന്‍ നടപടിയെടുക്കും. ബീനാ പോള്‍, മഞ്ജു വാര്യര്‍, റിമ കല്ലിങ്കല്‍, പാര്‍വതി, വിധു വിന്‍സെന്‍റ്, സജിതാ മഠത്തില്‍ തുടങ്ങിയവരാണ് സിനിമയിലെ വനിതാ കൂട്ടായ്മയ്ക്കുവാണ്ടി മുഖ്യമന്ത്രിയെ കണ്ടത്. സിനിമാ മേഖലയുമായി ബന്ധപ്പെട്ട് സ്ത്രീകള്‍ അനുഭവിക്കുന്ന പ്രശ്നങ്ങളുടെ പരിഹാരത്തിനുവേണ്ടിയാണ് സംഘടന രൂപീകരിക്കുന്നതെന്ന് ബീനാ പോള്‍ പറഞ്ഞു.

Sponsored Advertisments