Kerala Express

തിരുവനന്തപുരം: ശബരിമലയിലെ നിര്‍ദ്ദിഷ്ട വിമാനത്താവളം ചെറുവള്ളി എസ്റ്റേറ്റില്‍ നിര്‍മ്മിക്കാന്‍ മന്ത്രിസഭാ തീരുമാനം.

തിരുവനന്തപുരം: കേരളം അളന്നു തിട്ടപ്പെടുത്താന്‍ സര്‍ക്കാര്‍ സ്വകാര്യ ഏജന്‍സികളുടെ സഹായം തേടുന്നു.

കൊച്ചി: സ്വാശ്രയ മെഡിക്കല്‍ കോളജുകളിലേക്കുള്ള താല്‍ക്കാലിക ഫീസ് നിര്‍ണ്ണയിച്ചതില്‍ അപാകതയില്ലെന്ന് ഹൈക്കോടതി. കോളജ് മാനേജ്മെന്‍റുകള്‍ നടത്തിപ്പു ചെലവിന്‍റെ രേഖകള്‍ ഹാജരാക്കുന്ന മുറയ്ക്ക് ഫീസ് പുനര്‍ നിര്‍ണ്ണയിക്കും. ഇപ്പോഴത്തെ ഫീസ് നിയന്ത്രണം താല്‍ക്കാലികമാണെന്നും പിന്നീട് മാറ്റം വന്നേക്കാമെന്നുമുള്ള വ്യവസ്ഥ പൊതു കൗണ്‍സലിങ് വിജ്ഞാപനത്തില്‍ ഉള്‍പ്പെടുത്തണമെന്ന് പ്രവേശന പരീക്ഷാ കമ്മീഷണറോട് കോടതി നിര്‍ദ്ദേശിച്ചു. ഫീസില്‍ വര്‍ധന വന്നാല്‍ അധികതുക നല്‍കണമെന്ന് അറിയിക്കുകയും അക്കാര്യം വിദ്യാര്‍ഥികളില്‍നിന്ന് എഴുതി വാങ്ങുകയും വേണം. ഫീസ് നിര്‍ണയ സമിതിയുടെ ഉത്തരവ് ചോദ്യം ചെയ്യുന്ന ഉപഹര്‍ജികള്‍ കോടതി തള്ളി. 85 ശതമാനം സീറ്റില്‍ വാര്‍ഷിക ഫീസ് അഞ്ചുലക്ഷം രൂപയാണ് താല്‍ക്കാലികമായി നിര്‍ണ്ണയിച്ചിട്ടുള്ളത്. എന്‍ആര്‍ഐ സീറ്റിലെ ഫീസ് 20 ലക്ഷവും. അതുവഴി കിട്ടുന്ന അധിക തുക ദാരിദ്ര്യ രേഖയ്ക്കു താഴെയുള്ളവര്‍ക്ക് സ്കോളര്‍ഷിപ്പ് നല്‍കാം. ചെലവുകളുടെ രേഖകള്‍ ഹാജരാക്കിയാല്‍ അത് പരിശോധിച്ചാവും ഫീസ് അന്തിമമാക്കുക. ഇതുവഴി മാനേജ്മെന്‍റുകളുടെ താല്‍പര്യവും സംരക്ഷിക്കപ്പെട്ടിട്ടുണ്ടെന്ന് കോടതി വിലയിരുത്തി.

Sponsored Advertisments

GP-Adv2
TSI-Adv