Kerala Express

കൊണ്ടോട്ടി: കരിപ്പൂരില്‍നിന്നു ദുബായിലേക്ക് പുറപ്പെടാനൊരുങ്ങവേ എന്‍ജിന്‍ തകരാറിലായ വിമാനം വന്‍ ദുരന്തത്തില്‍നിന്ന് തലനാരിഴയ്ക്ക് രക്ഷപ്പെട്ടു. ആടിയുലഞ്ഞ വിമാനം റണ്‍വേയിലെ ലൈറ്റില്‍ കയറിയിറങ്ങിയതോടെ ടയറും പൊട്ടി. സംഭവത്തെത്തുടര്‍ന്ന് കരിപ്പൂരില്‍ ഒന്നര മണിക്കൂര്‍ റണ്‍വേ അടച്ചിട്ടു. നാലു വിമാനങ്ങളുടെ സര്‍വീസ് വൈകി. കരിപ്പൂരില്‍നിന്ന് 188 യാത്രക്കാരുമായി പറന്നുയരാന്‍ റണ്‍വേയിലേക്കു നീങ്ങിയ എയര്‍ ഇന്ത്യയുടെ 937 വിമാനമാണ് അപകടത്തില്‍നിന്നു കഷ്ടിച്ചു രക്ഷപ്പെട്ടത്. വിമാനം റണ്‍വേയിലൂടെ 600 മീറ്റര്‍ നീങ്ങി വേഗത്തില്‍ പുറപ്പെടുന്നതിനിടെയാണ് ഇടതുഭാഗത്തെ എന്‍ജിന്‍ തകരാറിലായത്. എന്‍ജിനുള്ളില്‍നിന്നു  യന്ത്രഭാഗങ്ങള്‍ റണ്‍വേയില്‍ ചിതറി വീണതോടെ വിമാനം ആടിയുലഞ്ഞു. ഇതോടെ യാത്രക്കാര്‍ ഭീതിയിലായി. അപകടം തിരിച്ചറിഞ്ഞ പൈലറ്റ് വിമാനം റണ്‍വേയുടെ വശത്തേക്ക് നീക്കി അടിയന്തര സഹായമെത്തിക്കാന്‍ എയര്‍ ട്രാഫിക് കണ്‍ട്രോള്‍ വിഭാഗത്തെ അറിയിക്കുകയും ചെയ്തു. ഇതിനിടെ റണ്‍വേയുടെ വശങ്ങളില്‍ സ്ഥാപിച്ച ഇലക്ട്രിക് ലൈറ്റില്‍ വിമാനം കയറിയിറങ്ങി.

Sponsored Advertisments

GP-Adv2
TSI-Adv